第八十日

一個非常奇怪的一天

一開波就聽到o的唔係咁好既野

最重要係你覺得 ok 就得啦

聽你吧聲都唔覺有事

溫哥華真係好大又多唐人

我諗我會幾有興趣搬過來

好適合我o的咁既 FOB

哈哈

第七十九日

兩日無 post

今晚有可能無時間

所以就早o的啦

今日要出差做 training

應該幾好玩既

估唔到有咁多人唔明

早就放低晒啦

其實佢地兩個都係我好好既朋友

見到佢地幸福快樂

做朋友既都希望佢開心

現階段愛情唔係我人生最重要

相信你地都知道咩係最重要

第七十六日

愈來愈明白

返工會無時間做其他野

返到屋企好累

第七十五日

唔係成日有時間見到佢地

所以無乜所謂啦

第七十四日

做見習生只係開始

一步一步行落去

第七十三日

第一日返工

非常之悶

但係真係好多野要學

唔係靠醒就過到骨

第七十二日

人生即將進入下一個階段

現在心情係興奮同憂慮中間

開心終於可以打開下一頁

憂心在於萬一失敗會點算

今日時間過得真係好快

斬下眼就9點

好似我對之前果八個月唔捨得

以後無咁多時間

未來五年係一個考驗

希望五年後既今日會有所成績

依個決定會覺得值得同正確

第七十一日

行街真係幾辛苦

超爆眼訓

第六十九日

做人同抄股票一樣

你睇到同聽到既野

都係你個心偽造出來

每個人都好犯賤

以為自己可以改變別人

以為自己聰明過別人

以為自己眼光獨到實掙錢

點知最後變得一無所有

有時要諗下

放開別人 = 放開自己

第六十八日

外表簡單 , 內心複雜

定係

外表同內心都係簡單 ??

第六十七日

相信一個人並唔係睇你認識o左幾耐

應該靠感覺

第六十六日

如果我地世界好大

咁宇宙係什麼 ??

咩都有機會發生

唔好被你對眼矇騙

因為你對眼只會見到你個心想見到既野

第六十五日

有時真係人夾人緣

一星期倒數

第六十四日

我堅強同睇化o左 ???

真係有o的咁既事

始終唔相信

我只知道我係一個

非常愚蠢既人

第六十三日

今日都算係好多第一次:

1) 未試過食野無現金比 所以要朋友去銀行囉錢 我就係食店等

2) 識個朋友咁耐 都未試過係街撞到 卡加利話大唔大 話細唔細

3) 寫 Blog 咁耐都未有一星期咁多人參觀 好好奇邊個入過來

第六十二日

好耐無打過街機

估唔到用o左廿紋打爆 Time Crisis III

多謝

第六十一日

日期愈來愈接近

心情都幾十五十六

想做得好

但唔想鋒芒太露

第六十日

人既天性係貪

得一想二

讓o左第一步就會有第二第三步

第五十九日

記憶真係一樣好奇怪既野

你無可能沒有佢

但係有時又唔想佢存在

每個人都有好同唔好既回憶

所以人應該多為自己創造美好既回憶

第五十八日

哈哈

我個 Blog 有個粉絲啦

第五十七日

寫 Blog 既樂趣好多

唔單子係可以講下自己近來如何

同埋可以提醒大家o的簡單既道理

其實道理可以好易忘記

因為每個人都事忙

可以用個 Blog 幫人都幾有滿足感

我唔可以無時無刻陪伴大家

所以希望有o的野一生受用

朋友問到點解要度數日子

答案好簡單

我想知道要用幾多時間來尋找返無o左既野

第五十六日

永遠帶著笑容

可以幫到自己

又幫到人

第五十五日

世間上不好既事已經太多

如果一個人不能凡事往好處諗

做人會好辛苦

第五十四日

無無聊聊又玩翻 Poker

就到啦

第五十三日

做人應該要知道

幾時要停

幾時要衝

第五十二日

有好多事情

自己唔想知

但係始終都會係你耳邊飛過

一切都講緣份

唔同人永遠都有唔同路

希望大家尋找o岩既路

第五十一日

收到個電話

朋友打來話佢既答案比我聽

有o的意外

因為我以為會收翻封 E-mail

其實一個電話真係改到好多野

起碼我知道有事

佢會幫我