第一百七十一日

有時真係無野好講

小小事無左千幾銀

屋企人好樂意幫我比

但係我始終一口拒絕

永遠都係咁

自己有能力點解要其他人幫

好似返回五年前

撞法拉利個次

個時既感覺有翻來啦

唯一唔同既係今次已經係第二次失敗

上次用左好耐先比自己放手

今次要睇下點啦

第一百七十日

終于可以溫下書

總有起碼兩日就搞點

希望聽日消息會好啦

第一百六十九日

完全浪費左一日

無心機溫書

因為想搞點使單野先

而家要等 Nissan 報個數比我

要反醒下好多野

第一係我係唔係太好人

定話我無所謂既性格太多缺點

第一百六十八日

今日原本都開始得幾好

但係我有o岩o岩失敗多一次

雖然無去打邊爐

但係有撞車

話就話路面滑

避唔到

但係我無法令自己忘記發生咩事

係我腦海諗緊

有咩我做錯左同埋有咩係自己愚蠢

我根本無辦法比自己放鬆

因為我應承過自己唔會再出錯

今日最重要既係我又再一次出錯

第一百六十七日

咩都有過度期

只要記著依點

做人都開心o的啦

第一百六十六日

可能我真係變得冷酷無情

但係都無所謂啦

我都唔再覺得一餐飯無左邊個唔得

之前就會有咁既諗法

因為可能始終覺得每個人都重要

以後就無啦

鐘意去就去

唔鐘意既話咪唔去囉

一個好簡單既道理

唔使問點解

答案就夠啦

哈哈

第一百六十五日

無野諗

只係得個等字

第一百六十四日

好 ! ! !

睇下今次考成點

有半個月時間準備

第一百六十三日

總算無事

原本都無乜點諗過

因為無收到電話

但係有個答案都幾好呀

要諗下買o的咩比人o添

真係有難題

哈哈

第一百六十一日

PK 啦

我對我個分行好無信心

真係好想走

第一百六十日

今日睇到個好有意思既 Article

五年後既事無人會知

我一心想要既野都可能係錯

雖然我無興趣改變個計劃

起碼覺得有另外o的出路

第一百五十九日

好期待下個 Rotation 既地方

最好就唔好 South

如果係就真 PK 啦

第一百五十八日

有時都有o的彩數

先可以成功

始終唔想鋒芒太露

第一百五十七日

有你一日

我都唔覺我既計劃無可能

因為你真係明白點解
而個一份明白就已經足夠啦

第一百五十六日

短短四個月

好多野都唔同

無去打波就少左好多聯絡

今晚收到既料都幾新鮮

一o的都無意外

其實好正常

第一百五十五日

你會唔會去“笨豬跳”

前幾年一定話唔會

但係我諗而加我一定會做

唔知幾時發生

好似我無左之前既恐懼感

可以由高處跌落來應該幾好享受

因為你知道唔會死

哈哈哈哈

樣樣野都係同錢有關

唔掙多o的

點可以過自己想過既生活呀

所以真係要努力
一入到 I-Bank 就得架啦

第一百五十四日

雖然笑得出

但係笑得幾牽強

第一百五十三日

彩數同機會都好重要

會唔會有o的運就遲o的先知

第一百五十二日

好平凡的一日

要努力o的

第一百五十一日

唔知點解今日突然無左個份衝動

對我原本既諗法有猜疑

第一百五十日

足足五個月啦

雖然心景平靜左好多

始終未能找到失去左既野

起碼條路明朗o的

第一百四十九日

過左一個好休閒既周末

比自己休息下都算係好事
唔知你地做左o的咩呢 ? ? ?

第一百四十八日

其實有時無左就無左

人始終會執著於依兩個字

一日唔放手

一日都唔會比自己開心

因為始終認為無左既野會返來

但係一次又一次比無左既野而受傷

受傷既原因係唔肯承認真係無左

唔肯面對現實

雖然現實係殘酷

人應該要向前看

未試過又點知唔得呢 ? ? ?

第一百四十七日

我好似肥左

點算呀 ? ? ?

唔想做肥佬 !!!

第一百四十六日

一個非常長遠既計劃

都唔知點唔點

第一百四十五日

做人應該要識得咩係知足常樂

但係後生個時都要冒險下

唔可以被自己覺得夠

無左個份餓既心態

就只會停留係某個階段

第一百四十四日

下個試如無意外十二月考

又要閉關一排

做好最好準備

快o的搞點

第一百四十三日

一個灰色地帶既世界

有好多黑同白既事

自己都唔知點做既時候

應該點算呢 ? ? ?

第一百四十二日

尋晚都算係多姿多彩

見到好多人既真面目

我原本都對某一個人無咩野

但係過左尋晚就覺得佢人格好有問題

以為我地真係咁蠢定話你演技真係差成咁呀

其實過左咁耐

如果我想做既話就一早做左

唔使等咁耐

我單身個話題近期講得太多啦

講到我都覺煩

我有我做人既模式

我根本唔相信我會孤獨終老

都唔知點解要急于一時