第二百零一日

又到一年既最後既一日

今年都算係有好多個第一次

有第一次真真正正返工

第一次去溫哥華

第一次畢業

第一次識到佢同埋其他好特別既朋友

第一次覺得自己好蠢

第一次病

其實係有好多好多

但係可能最重要既係

我真係第一次覺得要放手

比自己行出我以為係一生最重要既圈子

新年既啟示

用心去做完應該要做既野

可能要好多年既時間

但係起碼得出來既結果係自己既

第二百日

嘩嘩 ! ! !

今日比自己放鬆下唔溫習

好耐無咁自由啦

但係唔可以比自己懶散

有好多重要野要搞點

第一百九十九日

一個平靜既晚上

雖然出o左去食飯

我都無乜講過野

應該話無過份講野

奇怪就係無同主角傾過

以前就會好免強特登穩佢傾

唔知點解好似都無乜所謂啦

我唔使今日或者聽日先可以同佢傾

一年三百六十五日都會係機會

因為我有同佢聯絡開

我近來有問過自己幾時先會停

我好深信下年一月一號有o的野會消失

因為係時候啦

第一百九十八日

終於明白點解我讀個科咁難

從來都未有一科可以搞到我咁

如果無睇過都唔知其實自己有好多野要學

但係起碼

愈難道高

人工會愈高

因為唔會有好多人識做

哈哈哈

有時我真係好鬼死使賄

第一百九十七日

睇翻上年個部落真係幾得意

原來一年又過

但係我同佢又會有一個見面既機會

上年唔想去

今年唔例外

永遠都覺得唔想佢失望

所以會自動出現

可能我真係咁傻仔呱

或者可能我唔明白如果要成功就要將自己擺在第一位

往往諗住其他人又點會幫助到自己呀

其實每年都會檢討下自己既缺點

有o的咩應該要改善下

好似咁多年來都無乜成績

第一百九十六日

一生人裡面應該會有好多無言既時候
有時要執著既野你就唔放係個心到
唔應該繼續執著既野你偏偏唔放手

尋晚玩兵乓波個時
一個話題係 “如何令到女仔喊 ? ? ?”
其實諗下我都搞到好多個女仔喊過
有o的無心但係有幾個真係有意

近來又有o的有趣既事
同之前一無一樣
但係今次大家都知道係玩既形式
所以ok呱

起碼我覺得大家都係玩囉
哈哈哈

第一百九十五日

又一個聖誕節過左啦

都算係一個幾得意既日子

除左同屋企人食野之外

都有同朋友過左一排

其實朋友多與小都好講數目既定義

我都唔知自己多定小

哈哈哈

第一百九十四日

就到聖誕, 就到聖誕

哈哈哈

每一年都係咁過

今年唔例外

唯一唔同既係好多野都睇開左

第一百九十三日

聖誕就到啦

但係我好似一o的野都無買

哈哈

第一百九十二日

頂 ! ! !

今個月都唔知第幾次講頂

愈來愈唔鐘意份工

講真

如果一個無學位既人都做到我份工

我諗我唔適合囉

真係好無前途

睇來一年後要穩份好o的既工啦

第一百九十日

好自由既一天

哈哈

第一百八十九日

今日唔知點解特別開心係星期五

平時都無乜點理會

可能我返工無野做呱

今個星期都真係幾忙下

下星期應該都差唔多

有十日佢就返來啦

其實有o的唔係想見到佢既感覺

過左咁耐應該要完啦

但係永遠都係衰心軟

第一百八十八日

可能真係唯獨你不可取替

因為你先有咁既影響力 

第一百八十七日

近來好似失蹤

無乜見過人

應該要收下先啦

唔想比錯信息

雖然我都相信佢唔會有咩野

但係小心使得萬年船

廢事搞到之前咁啦

第一百八十六日

頂 ! ! !

哈哈

今日真係幾忙下

第一百八十五日

終於考完個試啦

一個好容易既試

哈哈

但係真係好悶

聽日開始好玩既科目

應該幾有挑戰性

第一百八十四日

今次考試真係用左好小時間同努力

聽日就考啦

都唔知結果會點

另一方面

我發覺自己有o的未老先衰

其實我好後生o者

但係唔知點解諗野咁老餅

哈哈

第一百八十三日

希望可以快o的考完

真係好Ｑ悶

第一百八十二日

無無聊聊又一天

總算就來要考試

好想快o的搞點

第一百八十一日

今日真係唔知點解咁忙

起碼一樣野好

返屋企個時條路都好行

第一百八十日

半年啦

足足半年啦 Blog　左

都好似無乜變左呀

除左撞車之外

同埋識到個開心快樂人

哈哈

第一百七十九日

原來好多野都可能發生

睇你用咩角度去諗

做人最重要係唔可以無左自己

咩都可以無或失去

自己唔可以唔見

做返自己啦

你有一年既免死金牌

第一百七十八日

諗左好多野

可以話將件事

用每一個角度去思考

有o的好細微既野

遲o的會好重要

第一百七十七日

好似無左個份拼搏

溫書始終唔係好尊心

無乜時間啦

一星期就要考

唔可以肥 ! ! !

第一百七十六日

尋晚發夢幾得意

夢見一個好唔想發生既場面

應該唔會玩得咁大呱

第一百七十五日

平平安安的一天

原本都幾危險

因為又落雪

好彩無事

第一百七十四日

今日好奇怪

做完既野好似有野未做咁

聽日死得啦

落雪 ! !

第一百七十三日

朋友同朋友之間既友誼本來應該係平等

家人既支持都唔應該計較

道理我好明白

實行就有難道

點都好

近來好多人都比好多寶貴既意見

其實最寶貴既應該係你地既關心

多謝晒

第一百七十二日

現實中既我唔會有咩唔開心

盡力會有笑容同埋有傾有講

因為我識得太多苦面瓜

可能係自己傻下傻下

覺得唔應該比自己煩惱影響到大家

同樣我唔想我屋企幫

因為個禍係我既錯

唔應該其他人承受後果