第五百六十六日

睇來又一年啦
今年都算係失敗既一年
事業上根本無進步過
相反我退左步
好似翻轉頭咁返回第一步

只希望新既一年會好o的
永遠都係期望明天會更好
我未至於到谷底
但係都就到架啦

第五百六十四日

尋日差唔多又撞車
但係最後一刻停得到架車先無事
臨撞之前真係覺得玩完啦
我知道無可能再承受自己既錯
由其係做完個決定後

而家再無理由去錯
之前就話份工 已經唔係問題
將來發生咩事都好
會係自己既問題
可以話無籍口可言啦

第五百六十二日

"將來既事 , 將來先算啦"

依句說話根本唔會說服到我
今日既決定會直接影響我未來既事
只可以講我未試過做決定時咁無後悔
所以應該都係個正確既決定

第五百六十日

三日無寫部落
個決定已經完啦
我心目中既答案由此始終都係想走
只係我未想承認個決定o者

經過三日時間好似過左三年咁
對自己深入了解左
同埋重新認識左個好好既朋友
佢係唯一既朋友逼我問自己既答案
無論有幾多人同我講佢地既意見
我個答案係唔會動搖

個決定完左之後
好似一切都慢左
我只知道個五年計劃唔會停止
我最想要既係自己之前既信心

第五百五十七日

今日個朋友打電話比我
佢講左句
"作為一個有責任感既朋友 我唔覺得你應該遲職"

因為個句說話令我好煩
我知個朋友係為我好
我唔覺得佢有必要去令我煩上加煩
所以係真心說話
就係因為真心先麻煩

究竟我應該點樣決定先o岩 ? ? ?
定話無論點決定都係錯 ? ? ?

第五百五十六日

原本就八成走
兩成留低
過左今日就開始有改變啦
漸漸咁覺得機會率去留低係接近零

第五百五十五日

今日咩都無諗
好似一切都順其自然
無免強咁去諗
無時無刻都會有個諗法既
如果好似撲克咁就好啦
曬冷後起碼有個知字

第五百五十四日

聽日可以係屋企諗下野
個決定都唔係好明朗
但係有進步架啦

第五百五十三日

今日諗左樣野
係一樣之前會忽略左

第五百五十二日

好好
可以放十一日假
諗清楚條路係點行

第五百五十一日

今日可能係做咁耐最想走既一日
終於同屋企人講我既諗法
佢地比左個我預計既答案

真係好煩囉
一邊有開心同埋對自己有交代
一邊就係為o左錢繼續唔開心
係某程度上我覺得為錢繼續係理所當然
因為無錢就萬萬不能
但係咁既諗法實在太膚淺啦
錢買唔到失去既時間
買唔到每個人應該有既快樂

我發覺近來既我好多負能量
我唔敢話係因為份工
但係講真係 HSBC 做咁耐好似真係無野開心過咁

我究竟係唔係未大個
連小小風浪都熬唔過

第五百五十日

究竟開心定錢 ? ? ?
實在太多野係未知

第五百四十九日

今日又聽完一筆好廢既說話
但係無所謂啦
當佢地發牢騷囉
哈哈哈

除o左衰運返來之外
好多小人係公司到
算啦
自己保護自己就夠
無多無小

第五百四十八日

究竟幾時先可以當機立斷?

第五百四十七日

今日諗左好多野
我覺得個決定複雜好多
可能世界係無兩全其美既答案
無論我點做
我唔覺得我會活在當下
一定會諗翻轉頭檢討

第五百四十六日

可能我真係個賭徒呱
咩都識賭
咩都會賭
哈哈哈

第五百四十五日

又到星期五
就快到聖誕啦

第五百四十四日

其實今年重有十二日返工喳
哈哈哈
都幾開心架

可能我有十二日去諗呱
最過唔到自己既係自己個關
無辦法認輸
因為我始終抱著個希望
我就快有份新工
可能係我既幼稚啦

第五百四十三日

今日好似一切都好快咁
有o的野係估佢唔到既
哈哈

第五百四十二日

好耐無 Post 野啦
近來好忙
掛住整電腦都無寫部落
我始終未有答案

第五百三十七日

今日見翻個朋友
真係好似好耐無見過啦
覺得佢唔同o左
比之前識佢個時定好多
可以話佢成熟左
或者佢識諗左呱
比之前有多o的自信
搞到佢成個人都靚左咁
哈哈哈

點都好啦
係件好事來既
由此始終我都鐘意見到我o的朋友好
雖然佢唔似係個杯茶
但係佢似一個會明白某o的野既人囉

第五百三十六日

可能而家冬天啦
好似想做隻熊咁
冬眠
咩都唔諗
只係想慢慢咁訓下

第五百三十五日

就來要入一年最後既十二月
好似今年過得特別快
諗下諗下好似乜都無做過
只係覺得我無變過
始終係 HSBC 到做
無新工既來臨
諗法照舊
行動無用
都可以話係個好可憐既一年

唔應該灰心既
今年係重有三十一日既
哈哈哈

第五百三十四日

近來聽翻o的舊歌
覺得每一首歌會有自己一個故事
雖然首歌可以係一樣
但係每個人都會有唔同既故事

第五百三十三日

有好多人係咁既經濟環境會為左份工繼續做野
因為唔係有咁多工係出面
依個諗法其實都係好o岩
今日個朋友同我講佢唔做啦
因為返工唔開心
可能我一個月後會係咁架啦
始終都要冒險
起碼我會有多o的時間去溫習
CFA 真係唔野小
哈哈哈

或者所有野都係藉口
因為面對唔到自己既唔開心
所以逃避而要走人
我到左而家都唔諗點究竟應該點做
我係唔係咁內弱
小小錯節就話要放棄
定話我根本諗錯晒
我既離去係其實比自己一個新既出路

第五百三十二日

係事實來既
我身邊既朋友個個都有第二個
無乜留意到
但係今日同個朋友問我個時
我先發覺係真
哈哈哈

可惜我唔覺得係個問題
開始有咁既感覺先要擔心

第五百三十一日

有到星期六
哈哈哈
好開心可以休息下
諗下野都好呀

第五百三十日

今日有好多野想講
但係又好似無野好講
咁哈哈

第五百二十九日

嘩嘩嘩
今日真係好Q無聊囉
間分行有事咁就以為可以返屋企啦
點知要我地去另外間分行做野
因為電腦問題
我根本唔可以做到野

點知個老細有特然同我講你係時候要走
唔可以再係實習
講真我一早就話我OK架啦
係無位喳嘛
真要熬多一個月先得

第五百二十八日

真係唔知點
個朋友係香港好似玩得好開心
我都希望佢開開心心咁玩
睇完佢個部落之後令我好掛著香港既日子
都係一個月o者但係好似成年咁

好失望
真係對自己好失望

第五百二十七日

今日真係好Q凍囉
希望快o的熱翻啦
或者我自己係個 "凍" 人呱

第五百二十六日

今日又打波
特然覺得要做下野
就做左
但係好似個個都覺得有o的唔妥

第五百二十四日

又一星期過左啦
到年尾既時間越來越

第五百二十三日

就來係絕望邊緣
真係有努力過去穩
但係真係無 ? ? ?
咁應該點算 ? ? ?

第五百二十二日

好似就來年半啦
都開始唔記得點解係到倒數
哈哈哈

第五百二十一日

又到冬天啦
又凍到痴肺
哈哈哈

第五百二十日

由返來到而家
估唔到乜都無變
諗著返來會有新景象
點知真係一成不變
我記得果句﹕ " 越要熬下去就越要輸得起 "
我就來咩都輸晒
咁點樣熬下去呀

過去左既時間真係追唔返
但係我連就來發生既時間都無辦法好好運用
真係頹啦 重要係好頹個隻
我唔知幾時先可以光明下
但係而家只會係黑暗當中

我諗我依世都唔會忘記近兩年既經歷
因為真係好苦同埋好無能

第五百一十九日

尋日既派對都算係搞笑
未見過個朋友醉成咁
哈哈哈

記得自己第一次醉都差唔多係咁
個時重係年少無知
而家就好唔同啦
有好多野無得翻轉頭

第五百一十七日

究竟搞清楚過去重要定話現在緊要 ? ? ?
真係一個好難講既問題

第五百一十六日

頂 ! ! !
打完波勁想訓
哈哈哈
都好既
今日做左既多運動

第五百一十五日

好野
有假放
哈哈

第五百一十四日

今日又聽完公司係到洗腦
話所謂既變動係為公司未來發展有關
哈哈哈
唔知點解啦
就算佢地話係好
我根本唔會相信
依個世界無人真係咁好
無奇跡出現架

第五百一十三日

無乜點咁
究竟係咩事 ? ? ?

第五百一十二日

今日睇套劇集個時聽到句好正既說話
" 越要熬下去就越要輸得起 "
究竟依句說話係點解

自己開始有眉目
但係可能要參考下囉

第五百一十一日

唔知係咪自己既問題
但係我好似覺得而家既後生仔女好無用
無時無刻都可以去屋企人問囉錢
想去旅行都可以話被阿媽聽
暗示佢被錢

講真唔係只有後生既
同我同年都有
唔係話咁樣唔o岩
只係覺得咁做人實在太廢啦
而佢地會為左o的好無謂既野
發爛喳囉
可能係佢地心目中係無捱同埋辛苦呱

第五百一十日

今日無諗到個朋友同我講左好多野
佢所講既野係我一直諗緊既問題
明白開心係重要
錢係遲早既問題
唔需要過急去奢望

除左依樣野之外
我真係覺得幾開心下
由此始終我都知佢會任何地方任何時間幫我
但係真係感受到個時
會令你有o的驚喜
因為證明我無睇錯人
佢係一個我值得去記得既人

第五百零九日

好野
就到星期五
哈哈哈
而家係咁架啦
返工等放工

第五百零八日

講下講下
都就來年嶺啦
做野都雖然唔係咁開心
但係總算有做過野啦
之前識既人都個個走晒
對我來講唔係佢地走係問題
而係點解我重要留低
無同o的朋友聯絡真係小左好多料
真係要努力下

第五百零六日

終於都要開始啦
睇落都唔係太過難
但係唔應該輕敵

第五百零五日

好奇怪
唔知點解想換o左個電腦牆紙個時
真係唔知應該點換
一o的咁小既事令我發覺我係欠缺跟o的野
係我心目中係有樣野
唔知係咩來呢 ? ? ?

第五百零三日

開始有起色啦
要等多一輪先知應該點做
但係始終係個好開始

第五百零二日

今日發現其他人好有機會比公司裁員
我就好似乜野都無
因為我一早就知道無事
唔知會唔會太過老定呢 ? ?

第五百零一日

任何選擇都會有問題
究竟係咩既決定先o岩
真係要做完先知

第五百日

返完香港有o的新體驗
我相信我唔會返香港做野
因為佢地實在太大壓力啦
直頭係有o的無謂添
但係講到尾
香港係個好好既度假地方
可惜既係見唔到個朋友

返o左來兩日就已經覺得無可能返工
一份對自己無興趣既工真係好考 EQ
除o左覺得無聊之外
而家有埋唔開心同浪費時間既感覺
因為經濟下跌
我走都無咁容易
以前都唔比自己用外面既藉口
但係無辦法啦
唔比自己一個出路
我諗我會癲

未返香港前都有猶疑係咪要等份新工先
而家就唔覺得係問題啦
做人係應該開開心心
可能我諗既野好跨
無o的實際
又或者係我看破世事呢
做人最基本係快活咁過
唔係愁眉苦臉咁過

第四百七十五日

雖然話係假期
我好似好多野諗咁
唔知點講
但係就希望個假期幫助到我

第四百七十四日

放假啦 ! ! !
哈哈哈哈

第四百七十三日

最後衝刺啦
可以話係十幾個鐘既時間
哈哈哈
今次既旅行希望會帶來新既自己
勞勞碌碌左咁耐
但係個前景就一片黑幕

第四百七十二日

輕鬆咁對待係o岩既
哈哈哈
真係超爆容易囉
都唔知點解o的人會肥

今日終於都執下野啦
總算就來到
返來會唔會留係 HSBC 就隨緣啦

第四百七十一日

聽日考試啦
但係真係無溫書
哈哈哈
好輕鬆咁對待

第四百七十日

過埋個假期
睇來就快到

第四百六十九日

今日都要早訓先

第四百六十八日

開始覺得大個啦
有個朋友終於都拉埋天窗
有o的早左
但係就預左會係個咁既結果

識左有十六年既時間
有o的承諾要做得到既
還點有兩年時間
我就唔信我做唔到
哈哈哈

睇來今次返香港唔係為左旅行咁簡單
要為自己打算下啦
無理由其他人向前程進發
我就原地踏步

第四百六十七日

過埋聽日就好啦
咁就進入五日既倒數

第四百六十六日

過左個好平靜既一天
無客要見
好無聊過一天

第四百六十五日

六日
哈哈哈
等多六日就得啦
時間越來越短
心情好似越輕鬆

第四百六十四日

哈哈哈
讀日文既時期都唔係好耐
但係重新睇本書真係乜都唔識

第四百六十三日

終於有o的運氣
雖然贏翻小小
都好過輸啦

第四百六十二日

頂 ! ! !
近來真係好黑仔
賭咩都輸

第四百六十日

又一個星期
哈哈哈
唔知返香港有無機會睇下演唱會
應該會幾好睇既

第四百五十九日

真係有o的手痕去打下波
但係我諗都唔會發生
我好明白應該同唔應該既分別

第四百五十八日

一日一日咁過
遲早既問題o者
哈哈哈

第四百五十七日

幾輕鬆下囉
雖然要考試
一o的都唔驚
反而越快越好囉
證明就來返香港丫嗎
哈哈哈

第四百五十六日

就來啦
好期待月尾
哈哈哈

大多數人都知我要去邊同埋幾時去
但係好似得一個先知我幾時返
返到來可能會失蹤下一排先
真係要收拾心情去閉關溫書
要做自己理想既人係有代價既

今日睇翻套舊戲
好學生時代囉
但係個理解同睇法就好唔同
可以同你長廂廝守既人
同令你最刻骨銘心既人好大機會唔同
因為刻骨銘心只需要短暫性既快樂就帶來無限既回憶

第四百五十五日

今日同個堂阿妹傾下
佢就話唔會同屋企人去拉斯維加斯
因為會悶
我就話佢細
未諗清楚o的野
但係咁都好既
佢就可以做下個無知青年
唔理任何野
最重要係自己開心就得

我都有後生過
我都有佢而家既諗法
但係我既後生期真係好似好短暫
搞到而家做唔返一個唔理任何野只要開心就得既人
人生只有數十年既時間
雖然話到最後個一分鐘你條命始終係自己
身邊既人都好重要
有時你唔係為自己而生存 你既存在同身邊既人係有一定既關連
如果有時間既話
試想下你自己無晒而家身邊既人
就會反映到其實可能佢地既存在比自己開心重要

第四百五十三日

哈哈哈
今日同個朋友傾下點解我會繼續係 HSBC 道做
個老細好似忘記左我既存在
個朋友認為我留低係因為經濟唔好
可惜啦
我都無擔心個經濟問題
有o的野比其他野緊要

第四百五十二日

哈哈哈
塊面又好似唔知點咁
起碼有三個星期去好翻

第四百五十一日

好奇怪
今日唔知點解覺得無乜時間咁
又唔係話多野做

第四百五十日

今日都有個意外
個朋友過來探下我
佢無咩唔同
都係以前識既朋友
真係幾難得

第四百四十九日

寫咁多封信
都唔知有無用
真係要堅持到底
可能好多人都唔明白呱
有o的野要做就做無點解

第四百四十七日

頂 ! ! !
終於有個長假期啦
都唔知點解咁想訓

第四百四十六日

今日有個好奇怪既諗法
好多人都會話我唔o岩
哈哈哈
但係我所諗既野好正常o者

第四百四十五日

十九日喳
哈哈哈
唔計假期同星期六日
得十九日要返工

第四百四十四日

可以開始倒數啦
哈哈哈

第四百四十三日

雖然就來返香港
我都想返之前有份新工等我
有七份我都幾有興趣既
只要一份收我就得架啦
唯有希望啦

第四百四十二日

一日既假期真係過得快

第四百四十一日

就來踏入九月啦
等左咁耐算係咁架啦

第四百四十日

聽日又返工
好慘呀

第四百三十九日

今日睇完個日本旅程
都幾得意既
哈哈哈哈
起碼可以去做下遊客
其實講真
做遊客既感覺係無野代替到
唔知點解

第四百三十八日

一個月要考試
但係一o的都未驚過
今次個題目實在太無聊
無乜心機去溫書

第四百三十七日

終於聯絡到條友仔啦
哈哈哈哈
估唔到佢會去南非
真係有o的意外

第四百三十六日

今日同個朋友傾下近來發生咩事
估唔到佢都會有o的咁既問題
每個人都會錯一次
有o的人會錯好多好多次
但係最後始終都會有一次既正確決定

佢而家既心情我一早遇過
做人係為咩
究竟我自己係個咩人
如果你連咁簡單既問題都答唔到
就唔好浪費時間去諗其他野啦

迷失既原因好簡單
你對自己有所保留 唔係好清楚自己為乜失去信心
越無信心就越煩越迷失
但係咁都好既
識得迷失方向證明你係個懂得生命既人

第四百三十五日

唔關任何野事
係我唔會做o的無結果既事
因為我從來都無玩過

哈哈哈
個 Statement 好似係我講咁
好多對我既誤解都係因為
每個朋友一個又一個咁去尋找另一半
可能佢地見到對方係有結果呱
係我心目中我係唔想浪費時間落o的無結果既野
有結果既事遲早會發生
無需要特登而家去做
真係發覺有好多人唔係太明白

第四百三十二日

有時發下夢
總好過現實既殘酷

第四百三十一日

記得兩年前有份工好適合自己
但係因為要返學被拒絕
兩年後
份工又出返來
但係我又唔係好o岩 Timing
試就會試
但係好似個天係到玩野咁
兩次有機會
兩次都時間唔係好o岩

第四百三十日

開始真真正正做下運動啦
近來真係好似好肥
要減下先得
返香港前要起碼瘦小小

第四百二十九日

又一個人向佢既未來出發
有時o的野都好講緣份既
六年前無可能發生既事
六年後估佢唔到真係發生左
係得埋一齊都算係有緣

第四百二十八日

都唔知點解
我係屋企每次做o的唔同既野個時
我屋企人會有好多意見
永遠都唔被我自己試下
可能真係會失敗
但係起碼吸取教訓
下次知道點做

我寧願自己失敗過
都唔想咩都唔試同唔識
無乜野好希望
只係講下o者

第四百二十七日

頂 ! ! !
今日發覺好似又肥左
傻傻地
都唔知點樣瘦

第四百二十六日

開始諗起返香港都開心
哈哈

第四百二十五日

哈哈哈
o岩o岩先發覺個日子搞錯晒
好似無乜用個心來寫部落咁
可能真係無野好講呱
開始驚驚地
因為就來無晒火
係好多層次到睇開晒

第四百二十四日

希望可以溫下書啦
好似好耐無溫咁

第四百二十三日

唔知大家有無過唔應該係咁既感覺
明明自己係有能力
但係始終唔夠好
其他人可以靠運而成功

第四百二十二日

希望過年會帶來好運
我對今年已經無乜希望
快o的可以返香港就好啦

第四百二十一日

而家諗緊就快返香港
應該會係個好好既假期

第四百二十日

真係唔賭唔知時運到
哈哈哈
我諗遲早會變職業賭徒

第四百一十九日

直覺
哈哈哈
真係一樣好奇妙既野
點先知道係自己諗出來
點話真係有o的咁既野

第四百一十八日

開始唔比自己分析個既事蒙蔽
有時直覺都好重要

第四百一十七日

好奇怪
唔知點解我心情好平靜
應該我無咁輕鬆
唔通我連自己都無發覺自己諗通o左
定話開始發覺自己無能力去扭轉命運

第四百一十六日

尋晚發夢好搞笑
夢見自己向人求婚
被個女仔一個承諾
一個連訓醒既我都覺得做得到
哈哈哈

唔知遲下我會點樣做呢 ? ? ?

第四百一十五日

終於做返後生仔應該做既事
就係打機
無無聊聊咁打發時間
但係我覺得好廢
哈哈哈

第四百一十四日

開始由零再來過
我原本咩都無

第四百一十三日

雖然今日係星期六

我感覺上好似星期日

哈哈哈

可能好耐未有咁多時間呱

第四百一十二日

今日同個朋友見下面

好耐無見啦

佢同之前都無乜變過

都係咁傻下傻下

哈哈哈哈

佢都有提醒過我一樣野

我同其他同年紀既人真係有分別

好多人都會有火有衝動同衝勁去做野

可以話係個熱血青年

我就相反

無火無衝動同埋對好小野有衝勁

直頭係有小小冷酷無情

唔知我o的火去晒邊呢 ? ? ?

第四百一十一日

聽日有假放

有小小私人空間去諗下野

哈哈哈

有o的想得太多既諗法

無計啦

我個問題始終未解決

第四百一十日

所謂無一個決定係錯

只係令人好過o的o者

第四百零九日

近來又係到褒劇集

可能而家顧慮多左

始終好似我浪費時間咁

第四百零八日

又過一天

我都無話可說

第四百零七日

一個好好既一天

無做任何野

淨係得個訓字

第四百零五日

今日返工差唔多爆晒

我諗我既忍耐力都幾強

但係漸漸忍唔著

都唔知點好

第四百零四日

頂 ! ! !

打下波

而家好似無力咁

第四百零三日

無幾耐之前好期待返工
開始人生第二個階段

點知一年都未過
就好想返回第一個階段
或者種種既事情都係人生必經既階段
但係我好希望就快過
真係快o的過啦

第四百零二日

今日聽到o的好有趣既事

有o的野真係整定

第四百日

聽日又要返工啦

而家最希望既事就係快o的到十月

咁就可以去旅行

返香港 ! ! !

第三百九十九日

正所謂有前途無希望

點算好 ? ? ?

睇來我咪係咁既人囉

依條路真係好難行

我永遠相信每個人都有同一條路

成功同唔成功就睇下自己捱到幾遠

我就來捱唔到落去

第三百九十八日

無見幾日

唔知大家有無遺忘我呢

哈哈哈

今次去溫哥華收穫無乜

好似無左樣野

之前個朋友係到個時比較好玩o的

同埋今次同班既人唔似之前個班咁講得

佢地只係會鐘意同自己友傾

又上一課啦

對我來講

今次有個教師講道理

佢已經有 CFA 所以我覺得佢講既野會比較有用

佢同其他人講既野一樣

唔應該浪費晒o的時間

幫自己開好多好多門

繼續做野睇來會阻止其他門既機會

第三百九十三日

近來考慮好耐點解我會搞成咁

我既答案比之前更加全面

好似尋日咁

開始有眉目

但係未有決定

第三百九十二日

近期被自己有時間諗野
發覺左好多野
今次過去溫哥華應該有得益
相信會有種種既啟示

雖然好似開始明朗化
最終我都係要作出一個決定

第三百九十日

開心與唔開心只係一線之差

如果諗一諗

唔開心字眼都包含"開心"依兩個字

第三百八十九日

其實快o的知道唔適合份工

係唔係好o的架

雖然知道唔鐘意份工

我個方向都係咁唔明朗

可能始終係自己既問題

個目標未認定

第三百八十八日

睇來連我最後個樣野都無埋

真係咩都輸晒

第三百八十七日

始終未有答案

要繼續考慮

第三百八十六日

依兩日都係到諗左好多野

究竟應該點做先好

唔理咁多走左去真係好容易

能夠忍耐一陣等待機會先係難得

道理我真係明白

咁快放棄等運到會令我個人經唔起風浪

好容易放棄 無咩大志

相反每個人都唔應該咁拖泥帶水

要當機立斷 

唔應該驚失敗而令到決定偏差

真係好心煩

最大問題係無人幫到我

我都知道每個人會同我講咩

所有人想講既野我都諗過晒

最好同埋最壞既結果我都諗過

反覆咁研究邊方面對我最有利

每個人都話要活在現在 等待未來

但係我好清楚知道我既未來就係我現在每一個決定

而今次既決定好有可能定奪我將來既路

雖然我希望可以長命百歲 我好知道博殺只有十至十五年時間

一旦有家要養 無可能話走就走

會有太多野要顧慮同擔心

第三百八十五日

好多野諗
但係要時間整頓下個思維 

第三百八十四日

又到星期六

真開心

返工等收工

收工等假期

我睇來真係無晒鬥志啦

第三百八十二日

究竟成熟既定義係咩 ? ? ?

點解我始終唔辭職既原因好簡單

我唔想做個挨唔到既人

係逆境等機會先係正確既做法

但係正確唔代表成熟

講真我真係做得非常唔開心

每日要 call 客約時間真係唔係我想做既野

我讀四年大學唔係來做 sales

如果係做 sales 既話

我根本唔需要讀咩大學啦

但係始終唔知點說服自己同埋其他人

我唔係個半途而廢既人

未有新工而辭職 始終係半途而廢既人做法

我未諗清楚各種利害關係呱

第三百八十一日

聽日佢走啦

希望每次返來都咁開心就已經足夠

第三百八十日

今日見到班歌手既友誼

唔知大家識唔識 Big 4

唔識既話去 Search 下

係現實世界唔係好多識咁耐既朋友

我同好多人都識超過十年啦

兩個重要係超過十五年

我見大家成長  大家見我成長

過左讀書依十年係最容易

可以成日見

未來十年先係肯定邊個係你一生好友邊個係過眼雲煙

因為唔可以成日見會係個好難既考驗

所謂 我永遠都記得你 就睇你自己個人

未知之後會點啦

究竟邊個永遠係我身邊

邊個過多幾年就唔知係乜水

都係未知數

但係可以話比大家聽

我記憶好好架

第三百七十九日

唔知大家有無睇談情說案呢 ? ? ?

原本我都幾鐘意犀利妹既角色

但係一講到景博要分手

佢個角色就 . . .

可能我始終係個非常理性既人呱

唔相信愛情大過天

就算無愛情都有好多野重要

依o的應該係叫做無情趣

哈哈哈

第三百七十八日

近來個部落好唔點
完全無用心來寫
好似過左一年期之後唔知寫咩
時間過得耐
咩都開始化

第三百七十七日

希望

差唔多咩都無架啦

第三百七十六日

哈哈哈

有好多原來

我諗遲早會有人咁樣同我講

未必係而家

但係會有一日

第三百七十五日

今日同個朋友傾訴下大家對日後既決定既諗法

可能係我諗得太簡單啦

我唔覺得間公司會對你有咩疑問

好多人都會轉工

唔通每個老板都奇怪咩

第三百七十四日

終於比自己放假啦

考完最後一個試

等到下年六月先要考 CFA

但係過左一排又要溫書

哈哈

第三百七十三日

聽日要考試

唔知點解今次讀唔入腦

可能太多野諗呱

真係要平靜自己

過埋聽日

第三百七十二日

又要考試啦

最後一個

無謂野唔諗

考埋個試先算

第三百七十一日

緣份未到就未到

就算到左都未必會有咩發生

今日睇左編野

講到個藝人既感情路

我發覺我幾似佢

好擔心事業同埋照顧屋企

愛情路無其他人咁多姿多彩

我諗我唔會係個好好既男朋友

因為我唔識點樣 "tum" 人

又唔識搞氣氛

雖然好多人對我既印象有o的誤解

但係我總覺得我會係個好好既老公

可能過多幾年會有朋友好 hard sell 我

因為仲未有著落

哈哈哈

第三百七十日

每個人既人生都會有好多重要既決定
就來到我要諗下
做定唔做 ? ? ?

好多人都話唔好遲工因為未有新工
我都好明白個中既道理
但係我就諗今次係咪應該博一博
除左鐘意賭之外
我既一生都好平凡同埋無冒險過
就係因為無博過
可能好多好好既機會都錯過左
未試過又點知下一段路唔好

好多有名既人一定博過一次
一次改變佢既人生既決定
我唔係話我自己係咩名人
只係我覺得一個人既一生無乜幾多機會比你博
我今次既決定唔係為左發達
只係尋找自己要行既路

第三百六十九日

嘩嘩嘩 ! ! !
今日真係黑個墨斗
朝早比老細問話
下午輸波
晚上都輸埋

我諗挨多兩個半月係極限
今日又崩潰多一次
真係頂唔順啦

第三百六十八日

同一時間要溫書同埋打信真係好有壓力

一來又唔想肥

但係知道唔打信就要留耐o的

無時間啦

第三百六十七日

無乜點咁

好似欠缺o的野咁

但係有唔知係咩 ? ? ?

第三百六十六日

愈來愈近

希望十月快o的到 ! ! !

第三百六十五日

過左一年啦

個部落足足寫左一年野

有好多野發生

有開心 有唔開心

有興奮 有失落

有迷失 有方向

有失去 有返回

有唔明 有好明

可以話甜酸苦都經歷過

只係未試過辣

一年又過左

係我心目中我成長左好多好多

雖然自己始終未能走出個惡夢

但係知道自己已經好努力咁去改寫我命運

有o的野唔急得既

但係一年過左 我未穩得返

睇來要繼續寫啦

第三百六十四日

今日真係好想訓

哈哈哈

鬼叫我五點起身睇波咩

第三百六十三日

終於星期五啦

哈哈哈

今日睇左篇文章講到

每個人後生會唔明白身邊既人既重要性

永遠都覺得遲下會有個好o的既人出現

希望在明天既道理

第三百六十二日

原來我只係一個員工

一個幫公司做無謂野既員工

十個月前講到我地有幾重要

而家就知之前講既費話係好費既

第三百六十一日

今日差唔多崩潰

完全控制唔到個事情

已經比唔到理由自己去留底

其實我好有衝動交信

第三百六十日

等等等等

今日發覺連自己都開始聽到悶

我對我份工既失望同唔開心

已經同其他人講到無野好講啦

但係點都要每日返工放工

風雨不改

究竟幾時先走得出依個噩夢呀 ? ? ? 

第三百五十九日

真係死都要唔好放棄
前景好悲
唔緊要
一定要起碼等到返香港
咁就當我贏

第三百五十八日

其實每個人都有o的

有事鍾無豔 ﹐ 無事夏迎春

依句令我諗下自己幾時係咁

可能自己唔覺

但係有時間既話諗一諗

你可能會發覺有好多時都係咁

第三百五十七日

就來啦

四年一度

哈哈哈

第三百五十五日

又一個走啦

都唔知點算

返工咁悶

第三百五十四日

見到一個個離開都幾唔開心既

因為我悶個時無左人同我傾計

同埋要問自己幾時先到我

我無個朋友咁底要求

但係佢心目中

份新工好過依份

又多o的人工

我亦都無另外個朋友咁灑脫

唔做就唔做

始終都要還晒個 Loan 先得

冒險唔會係我身上發生

太多顧慮啦

第三百五十三日

原本都唔知自己份野有幾廢

而家知 ! ! !

第三百五十二日

今日好認真咁去為自己打算

唔知會唔會幫到手

但係起碼可以話有努力

第三百五十一日

諗返下

我真係好似好多劇集都未睇

都要等埋我考完最後個試先

期待中

第三百五十日

真係無就無

兜兜轉轉都係返回第一步

唔通真係要去闖下先得

可能未免唔係件好事

第三百四十九日

奇怪 ! ! !

今日一個之前無同佢講過我既諗法

點知好突然問我係咪想走

又一次證明唔應該係公司講任何野

第三百四十八日

下雨天 

總掛念從前

唔知我係唔捨得從前

定話現在同將來好唔肯定

所以用從前來做避難所

第三百四十七日

今日用左七個鐘來做自己野

半粒鐘做公司野

真係唔知幾時會走得出依個惡夢

對好多人來講

無野做好過有野做

重要係我又有錢收先好

我傻仔呱

哈哈哈

第三百四十六日

又考完一個試

應該無乜問題既

要等幾耐呢 ? ? ?

第三百四十五日

好 ! ! !

聽日就要考第四個試

雖然考晒都無乜用

又唔係咩重要證書

可能遲下會帶來一o的機會比自己

第三百四十四日

哈哈哈

今日睇套劇集

入面有對好後生既情侶發生誤會

個女仔完全唔講道理

自己錯都話係個男仔既問題

佢地令我諗下如果我有o的咁既問題

我會點做

未試過真係唔知

只係我對蠻不講理既人真係無好感

可能我 EQ 未夠班呱

第三百四十三日

無乜野好講

淨係知道好唔尊心咁溫書

但係有好似識晒

第三百四十二日

究竟係邊個成日睇我個部落 ? ? ?

留下言啦

哈哈哈

雖然今次無乜溫書

但係唔知好似好有信心

可能我真係識

或者係自己比自己既錯覺

點都好

現狀改變唔到

希望可以改寫未來

第三百四十一日

唔知今日做咩

事實係無可能改變現狀

可能終於都接受

殘酷既事實

開始放棄想轉工既諗法

可能漸漸被現實打低

我無能力再令自己覺得係有希望

向現實低頭可能係成長既過程

雖然唔好受

但係遲早都要接受

第三百四十日

好唔明白新行有咩好

可以比我實習

真係好靜

水靜河飛最貼切

真係等收工

第三百三十九日

睇來自己漸漸變得心計高左

今日係總行既最後一日

講到遲o的聯絡

根本之前唔會真係實行

好明顯其他人係諗著挽留個 Contact

正所謂互惠互利

游戲要係咁玩

我一定會比其他人玩得更出色更利害

現階段我諗我未要為左目的特登做o的野呱

哈哈哈

第三百三十八日

死啦

無乜時間溫書

第三百三十七日

我只可以控制自己做到既野

有好事我實在無控制能力

讀書多o的只係增加穩工既機會

雖然工係一半能力一半運氣

成事在天 謀事在人

我做既只可以係咁多

雖然我唔相信咩教

但係我深信世界上係有種奇妙力量可以控制萬物

而科學係無可能解釋得到

第三百三十六日

對自己太嚴可能係我一生最錯既事

我朋友開開心心過日子因為對自己無期望

咩都用有已經好好架啦

依o的應該叫做知足常樂

我依o的叫做想得太多

唔比自己透氣

第三百三十五日

去另外一間行係預左

連幾時比答案我都預左

唯一無預計係始終都有唔開心

點解要好似個波

咩話事權都無

如果唔係要返香港

或者EQ低o的

都爆左好耐

第三百三十四日

計劃繼續實行

原本都開始挨唔著

但係開心重新發掘之前個種鬥志

雖然而家好唔高興現狀

我唔相信一生都咁唔好彩

一定會有個逆轉點

之前失去既野

我一定可以穩得返

時間無得翻轉頭

但係經一事長一智

會用今次經驗來提醒自己

第三百三十三日

自以為是既人我最鐘意

因為就係依o的人先會覺得自己咩都明白

以前我就係個咁既人

經過好多野明白到

寧願咩都有疑問好過以為咩都知

有時做下蠢人都幾開心

正所謂傻人有傻福丫嘛

哈哈

第三百三十二日

唔知幾時發生

我根本就唔係好信人

有幾個朋友我比較相信

因為佢地都同我走過一段路

雖然唔係好信人

我都無興趣去試探人地

希望有日開始信下人

第三百三十一日

終於都開始溫書

兩星期既倒數

明白到就算唔係事事如意

無理由為無聊野搞到自己咁

雖然明天唔會更好

我都希望有個明天

第三百三十日

都唔知點解真係無晒以前既原動力

溫書變左樣好辛苦既事

原本對未來好有好奇心

永遠都覺得明天會更好

如果明天唔係更好

難道要無限期咁等

定話係時候認命

明天唔會好好

第三百二十八日

除左我畢業時間錯誤之外

重有好理由點解搞到自己咁樣

每個人都有自己既唔同運氣

我諗我既運會係

朋友運

同埋家庭運呱

事業同愛情都應該無我份

哈哈哈

第三百二十七日

一個好奇怪既晚上

同個好耐無見過既朋友去 "hei" 下

佢好似唔同左咁

唔知係咪大左關係

每個人對另外一半既期望就高晒

單身份子個個都係話 "留意緊"

群眾壓力真係好有效

到依個年紀無另一半可能真係要加油

第三百二十六日

同個朋友食野

傾訴左好多話題

唔知點解真係無野保留

想講咩就講

一生人會有幾多個呢 ? ? ?

第三百二十五日

記得兩年前發生過件事

朋友都無做

但係而家就同佢有傾有講

係我諗多左

定話我唔夠相信人呢 ? ? ?

第三百二十四日

今日個腦特然有個諗法

其實都好煩惱

人生好似場賭博

我係唔係應該留係間銀行做野

雖然唔覺得有咩用

但係起碼有野做

定話索性辭職

穩另外一份自己鐘意既工

我朋友講得好o岩

留低只會浪費時間

但係就冒險

無收入同埋唔係一定穩到份新工

究竟我應唔應該冒險 ? ? ?

第三百二十三日

今日終於去溫書

雖然近來多野諗左好多

但係始終要做未做完既野

尋晚睇翻套百分百感覺 II

入面講左句

“去追女仔係因為想了解自己多o的”

咁講我咪好唔了解自己或者我太過了解自己

哈哈哈

第三百二十二日

又無溫書

努力咁穩工

真係算失敗

今日睇完個星座分析

我都發覺我真係好典型雙魚座

究竟我對自己了解有幾深

第三百二十一日

今日放工應該好輕鬆先係

但係相反

有o的唔捨得

今日收到料

我唔會留係總行好耐

應該話一個星期就玩完

每個同事雖然係雙面人

起碼我唔覺得我做過o的咩來招人話柄

其他人可能唔明或者唔知

係我心目中已經有答案

今次一走

我相信唔會再以員工身份踏入間公司

去邊個分行都無分別

我都心灰意冷

只希望有個新機會比我嘗試

第三百二十日

好慘 ! ! !

塊面特然搞成咁 

第三百一十九日

如果個世界係人話咁公平

點解我會係咁

我一直都信有得必有失個道理

我好似有失無得囉

事業上一塌糊塗

愛情上一片空白

其實我預左感情方面無突破

但係真係無諗到事業會咁差

最估唔到既係某個朋友真係咁清楚

無論我點講某個女仔都好

佢會知道個女仔唔會係咩女朋友

永遠都只係朋友

唔知佢真知定假知啦

但係佢可能比我想象中了解我多

第三百一十八日

機會唔多

市場真係無乜新工

個朋友同我講要記住 97 金融風暴

過一排就會正常

我好想快o的過就得啦

耐性漸漸薄弱

第三百一十七日

死囉 ! ! !

點解好似星期三變左個咁重要既日子

我真係好希望佢帶眼鏡返工 

第三百一十六日

今日係第一日我成家都唔係屋企到

有成四日比我自由下

哈哈哈

第三百一十五日

今日終於做番o的之前做過既野

例如去行街

去朋友屋企 "hei"

好耐無做過啦

第三百一十四日

又一星期啦

又係無無聊聊咁過

第三百一十三日

經過尋日既事之後

今日完全無興趣做野

為左間咁既公司賣命唔值得

其實浪費自己時間囉

第三百一十二日

究竟我做錯左o的咩事呀 ? ? ?

玩得咁大

又我踏入匯豐第一步開始就已經係錯

原本真係諗著會係個好機會

而家就知道錯晒

覺得好失望同失敗

無前途

無機會

無希望

成日都話要向好個方面諗

但係今次無埋個種心情

第三百一十一日

唔算係咩假期

但係起碼可以睇下劇集

鬆一鬆啦

近來真係過得好慘

要休息下

第三百一十日

原本以為可以去多倫多 Training

同埋探下人

點知而家咩都無啦

頂 ! ! !

第三百零九日

見過好多人

幫過好多我識既朋友度過難關

唔知點解我無辦法幫到佢

一個心空非常多憂慮

諗野編擊

唔受理由

只受認同既人

真係好難搞

原本唔係我既問題都變埋我既

第三百零八日

比平時用既精神真係小左

唔知係自己驕傲

定話自己開始厭成日都溫書

但係今次真係心散左好多好多

唔知點解今日好有興趣去睇下英國大學既資料

讀過 MBA 返來係必經既路

睇下去邊架o者

雖然應該就唔會咁快再讀書

但係真係有o的衝動去 Apply

第三百零七日

好似考試接近

但係我好似唔係好緊張

臨考試前焦慮症呱

哈哈哈

真係要忘記無聊野幾日先得

集中 ! ! !

第三百零六日

要集中精神

考完個試先算啦

第三百零五日

經過今日一輪既研究

結果係咩都唔做

件事慢慢丟淡

順其自然可能好o的呱

起碼如果真係開始咪開始

無野發生咪無野囉

哈哈哈

我又唔急

同埋我都未做到最基本既三件事

第三百零四日

用一個平常人既眼光來睇

我真係唔似個好好既人

剛剛識我既人

同埋識我無耐既人

個見解都一樣

第三百零三日

尋晚睇翻之前寫過既野

有一篇寫話未來依五年係個考驗

估計唔到我一年到未過就來捱唔到

係好多方面都未滿意

好多事物都有影響性

五年唔係個短時間

做唔做得到就睇下自己有幾多忍耐力

同埋鬥志去克服種種既困難同誘惑

第三百零二日

每個星座都有自己既特點

今日無聊下玩下心理測驗

依句﹕ " 雙魚一輩子都在找自己 "

大個左先來回頭一看

發現自己一生都唔知道做咩

只覺得一事無成

好似行出第一步

之後又退後兩步

唔知係咪註定

我一生就好似股票市場一樣

有升有跌

雖然跌多但係每次都有升既一日

希望今次唔例外

第三百零一日

如果用小小錢可以令人開心既話

何樂而不為

係好多人心目中

對人好一定有目的

係女仔既話 

人就會覺得我係到溝緊佢

其實對人好無乜話目的唔目的既

大個左我發覺我更加無所謂

可能掙到呱

最奇怪係我唔可以帶到開心比自己

平時好冷靜既我

今晚明知會輸都照玩撲克

可以話完全失控去輸

我既唔開心唔知係邊到來

可唔可以好不負責任講句

" 點解要係咁 ? "

第三百日

好似上次咁

就來要考試

無乜溫習過

睇下今次 O 唔 O 啦

第二百九十九日

今日好奇怪

感覺上我好失望

實際上我好似無乜點咁

係事業途中

第一份工無得選擇

只希望下一份工會好好多

但係都未知幾時

第二百九十八日

漸漸完全忘記左果種感覺

如果因為滿足其他人對我既意見

而要做o的唔似我會做既野

我諗個答案好簡單

係唔會做

其實講真我都算好努力架啦

尋找樣可能唔見左既野好難

我連佢都無埋咩感覺

開始有o的驚

因為我對每個人都一無一樣

第二百九十七日

好似近來好多人既意見都好一致

真係 " 食左先講 "

哈哈哈

第二百九十六日

今日同個朋友講左句好特別既野

我叫佢由依一刻開始忘記我

而我又忘記佢

結果係佢話我咪咁無聊啦

哈哈哈

另一方面今日同另外個朋友講到

一生中最愛既話題

究竟有幾多人真係會穩到 ? ? ?

第二百九十五日

為左無聊野失去方向其實都幾無謂

就算有都唔關我事啦

我一向都無情架啦

第二百九十四日

程序個問題都好奇妙

有錢先有女 ?

定話有女先穩錢 ?

第二百九十三日

今日先知道原本覺得自己做得好錯既事

係自己諗出來

原來大家都係一開始就玩

我重要咁傻仔覺得內疚

就係因為依種婦人之仁

可能我先未成大器

個日有個朋友先話我係一隻披住狼皮既羊

我都相信既

我個心始終唔會做野做到好盡

永遠都留下一線

留一線會遲早害死我

第二百九十二日

又一個無聊日子

返工 = 無返工

第二百九十一日

有好多句說話可以形容一個人

今日令我諗起究竟點解要玩

除左我悶之外

都無其他理由

或者好似朋友所講

" 玩下先 可能遲o的會有野呢 "

第二百九十日

究竟我條路會係點樣呢 ? ?

溫哥華o的朋友都叫我搬

雖然溫哥華真係好適合我

但係唔知點解無咁既衝動

起碼我會再期待下次既溫哥華旅程

今次最估唔到係佢會為左我早放工去飲野

哈哈哈

會唔會係游戲既開始呢 ? ? ?

第二百八十九日

溫哥華天氣真係好似香港

一時一樣

係我心目中

我離開匯豐係必然

但係我都好希望我同o的朋友繼續有聯絡

唔知呢 

係依到識既人好似以前識既朋友一樣

第二百八十八日

去溫哥華實習都算係個假期呱

第二百八十七日

睇下邊個忍得耐就算贏家

第二百八十六日

哈哈哈

又要去溫哥華啦

第二百八十五日

係我自己變左定話有其他因素

以前分得好清楚

而家就無辦法再分

對每個人都開次一模一樣

第二百八十四日

我都好相信緣份既

唔知點解就算係玩

我都唔覺得我同佢地兩個有緣

第二百八十三日

係一個有利益無情既社會

點先可以見到一個真面目既人

第二百八十二日

又開始溫書啦

起碼充實下自己

第二百八十一日

發覺自己既諗法好多時都唔普遍

用另類思想又好似唔適合

但係可以話世俗人唔明

又唔係話自己係咩聖人

只係好多人都唔了解

係我既思想太不知所以同現實有脫節 ? ? ?

我一向都覺得

自己有自己一套

但係唔好話我行我數咁

出左來做野先發覺好多人都一模一樣

完全無獨特既一面

可能我經驗淺

未明白到世界係唔鐘意有異既人

或者係我未識做人

第二百七十八日

始終都係咁

人云亦云

庸庸碌碌半生

第二百七十七日

一個永遠解唔到既謎

第二百七十六日

做左好多野既一日

唯一無做到既係去睇一幅畫像

第二百七十五日

希望今次考試唔好肥啦

個試話難又唔難

但係好多好容易出錯既地方

可能溫得唔夠呱

第二百七十四日

唔知點解今次溫書

無左平時都會有某種壓力

點解今次無左既 ? ? ?

第二百七十三日

無左方向同答案

都應該令人意氣消沉呱

第二百七十一日

終於要溫書啦

又有新機打

又要賭波

真係好多引誘

第二百七十日

估唔到九個月啦

就快一年

始終未挽回到之前失去左既野

好似有好多野發生過

但係其實咩都無發生

由此至於我無進化過

自以為行左好多步

點知一步都無

果種失落同頹廢既感覺好難頂

高中畢業個時係天真

大學畢業個時係愚蠢

而家傻比較貼切

都唔知我可以撐幾耐

遲早有一日我會無力撐落去

第二百六十九日

罪惡感又返來啦

哈哈哈

鬼叫自己無聊到

亂講野咩

第二百六十八日

好奇怪

同你講完之後

你既反應話比我聽

講同唔講無乜分別

我原本唔想講既原因係因為

費事大家擔心

可能我憂慮太多啦

第二百六十七日

無左份衝勁去溫書

好似個目標好遠咁

開始對自己質疑

讀咁多書究竟會唔會幫到我

第二百六十六日

又一天

無乜野諗

無乜野做

只係到等運到

第二百六十五日

就來考試啦

但係今次一o的都唔驚

搞到我自己都開始擔心

哈哈哈

可能係因為我有好多日假呱

第二百六十四日

雖然近來無時間睇劇集

有套新劇個尾斷都幾得意

首歌 "友共情" 其實真係好有意思

令我諗起好多美好既回憶

我諗如果用一首歌來形容每一個朋友

佢會係依首歌既主人

我同佢都算經歷過好多野

到而家都係朋友

除左大家既努力同埋幸運

緣份都好重要

第二百六十三日

頂 ! ! !

肥人真係麻 Q 煩

係巴士用個位等於我兩倍

第二百六十二日

要做到心境平靜

都真係幾難下

只要我重有個目標

都無咁 Q 既

第二百六十一日

唔知點解呢

今日有o的好奇怪既感覺

諗左好多有機會發生既野

我潛意識始終唔會忘記

所以無法唔諗

第二百六十日

究竟我做得好定唔好呢 ? ? ?

原本都諗著等下先

而家點收科

其他人有無需要知 ? ? ?

第二百五十九日

尋晚會係最後既一次

下年既生日唔會再係咁既結果

除左要珍惜時間去溫書

重要用最快既時間掙最多既錢

第二百五十七日

希望有回音啦

都唔記得幾時寫咁多野啦

哈哈

第二百五十六日

無無聊聊又過一天

星期五可能會好醉

哈哈哈哈

第二百五十五日

今日係巴士諗左好野

好多野都開始變化

有o的質疑某o的事

起碼知道有個人會認同

第二百五十四日

哈哈哈

今日既意外驚喜都既震撼

第二百五十三日

又要返工啦

哎哎

今日都唔知點解咁無精神

可能重有小小病呱

第二百五十二日

好奇怪

一句 “人不為己 , 天誅地滅”

令我諗起好多野

第二百五十一日

好似一年過得幾快下

一o的都無變過

唯一唔同可能係 ______

第二百五十日

原本都唔相信

但係而家就

哈哈哈

真係三個女人一個墟

班 Teller 真係幾多是非下

有o的似高中年代囉

第二百四十九日

一個好無聊的一天

無聊到係公司打求職信

第二百四十八日

今朝係巴士到諗左樣好正確既野

我唔做酒店既原因都係唔想成日都要見客

而家就每日都見

真係幾犯賤

睇來有好機會都要走啦

應該話睇下我幾時挨唔著

劈炮唔撈

第二百四十七日

無野好報告

除左賭波同做下家務之外

都無野做過啦

真係第一次無壓力咁過一日

第二百四十六日

情人節

又過一年啦

足足二十二年

未知幾時會打破記錄

哈哈哈

=P

第二百四十五日

今日睇完套 2012

有好多地方都幾無聊

但係整體來講都 ok 既

好多人都唔信世界末日之言

覺得好無聊同無理據

我就係半信

因為世界上好多野都預計唔到架啦

我就諗如果真係世界末日 

我會做緊o的咩同埋想做o的咩 ? ? ?

會唔會狂打電話比人

定話睇野化晒

咩都唔做 ? ? ?

第二百四十四日

點解要病呀 ? ? ?

第二百四十三日

哈哈哈

公司傳聞都可以幾好玩架o窩

第二百四十二日

今日都算有突破

同個同事一齊去食野

都算認識佢多o的

同佢傾耐左

我先發覺佢同 Juby 有o的相似

哈哈哈

如果我而家要話我有咩行動

我諗咩行動都無

只會係我另外一個好 Frd 既女仔朋友

第二百四十一日

妖 ! ! !

真係麻煩

差唔多一個月

部電腦都係搞唔點

匯豐有無咁廢呀

同埋聽落好似好多人都想走人

第二百四十日

犀利o窩

今日又無做到野

但係覺得每個人都開始

唔再接受我既解釋

真失敗

都唔關我事 ! ! !

第二百三十九日

成日都係到睇波

同賭波

哈哈

第二百三十八日

哈哈哈

其實近來都好灰下既

但係永遠唔會灰到好似佢咁

我無咁傻

但係我自己都覺得有小小笨

明知如果有機會公司可以抄我

佢一定會

但係如果我請辭既話
我會有罪惡感

因為佢地被左我一個機會

天真既我始終都為人設想

唔想令大家失望
永遠令自己失望就有份 ! ! !

第二百三十七日

今日無乜野好諗

失去左既時間無辦法挽回

只可以而家做好過以前

第二百三十六日

一個好正常既野

開始要考慮一件事

第二百三十五日

我諗今日會係一個逆轉點

第二百三十四日

唔知點解

咩都要有個距離

咁樣可能會比較安全呱

第二百三十三日

真係要冷靜

見步行步啦

哈哈

第二百三十二日

今日過左個好休閒既一天

休閒得來又幾多野諗

一個之前發生既事好似終於都告一段落

佢有自己既生活有自己既天地

我有自己既路

偶然會講下野

問下大家近況

佢令我諗起自己之前做過o的咩

係唔係應該重複之前既錯

用另外一個角度去認識算係可行

但係唔知自己做唔做得到

真係有時講o的野可以好無心同好自然

第二百三十一日

有o的明白到一個好正常既現象

要o的時間適應下

第二百三十日

好耐無打波啦

勁爆辛苦囉 ! ! !

第二百二十九日

好奇怪既一日

哈哈

要睇下進展成點先下判斷

第二百二十八日

點算呀

哈哈哈

我既壞諗法又返來啦

可能真係應該認認真真穩返個

如果唔係可能玩到無得停

第二百二十七日

哈哈哈

o岩o岩話完每樣野都可以好簡單

今日我又搞到咁複雜

真係要講句

" 何必呢 "

第二百二十六日

終於考完第一個試

下一個三月中

哈哈哈

近來發現左樣野

如果玩唔起就真係咪玩啦

其實好容易燒傷架

每樣野係人先搞到咁複雜

但係人都有能力搞到好簡單

搞成點就睇自己啦

第二百二十五日

成日都係到溫書

真係好耐無睇劇集

無玩 Online 撲克

無睇新戲

估唔到一個五年計劃真係要犧牲咁多野

除左要毅力之外

真係要好多耐性同埋重複咁思考

有時都係到諗點解我唔可以好似其他人咁 ? ? ?

但係過一排就無依個諗法

因為我唔係其他人

我就係我

哈哈哈

第二百二十四日

一日

哈哈

近來發現樣樣野都開始唔重要

第二百二十三日

兩日考試

哈哈哈

睇下今次點死

第二百二十二日

頂 ! ! !

今日超眼訓

差唔多要寫部落o點

哈哈

第二百二十一日

其實之前都覺得我唔適合

今日重新覺得我唔係一時之氣

如果每日要我 Call 客

我諗份工都唔適合我架啦

都唔知我點樣可以挨多八個月

真係一指錯滿盤皆落索

我愈做愈唔開心

都算係自己無預計到啦

第二百二十日

今日個朋友叫我去“識”下班同事

因為每個都係女

哈哈哈

咁我就係到諗

之前都有o的咁既野

同埋之前既動機算係衰囉

加埋有時我唔想發生既事都會發生

所以我又唔係咁想“識”佢地

講真有o的驚

廢事又搞到一穫泡啦

第二百一十九日

睇來新行都幾好啦

起碼多個人比我問

但係都要小心為上好o的

個個都可能係笑面虎

哈哈哈

第二百一十八日

好野

終於明白一o的好複雜既道理

但係唔可以比自己放鬆

起碼考完先啦

聽日就開始另外一個新經驗

總行始終會人際關係複雜o的

攻心計都會有既

可惜我都未覺得要咁做

等下啦

有一日會用得著

第二百一十七日

痴線架 ! ! !

睇到我頭都大埋

真係有小小驚會唔合格

但起碼今日有集中

第二百一十六日

哈哈

搞點

走左啦

＝）

第二百一十五日

終於等到聽日啦

可以去總行做好過發配邊疆

係開心既

但係今日都無溫書

真係要好似個朋友所講

“集中”

第二百一十四日

今日都唔知做乜

無辦法集中精神溫書

完全係心散

好似個腦有好多野諗

但係我有唔覺有咩野好諗

一個字　＝　煩

第二百一十三日

原來尋找一樣野都幾有難道

真係有o的大海撈針既感覺

第二百一十二日

兩星期既倒數

真係有o的緊張o添

哈哈

因為真係唔係咁易

第二百一十一日

雖然話就話唔理

我個人好鐘意有個知字

究竟佢係有心定無意 ? ? ?

同埋近來有個以前既朋友聯絡番我

究竟又係咩一回事 ? ? ?

第二百一十日

尋晚算係一個奇怪既一晚

見到一個人原來識笑既

見到一o的好睇唔過眼既野

同埋見到o的不知所謂既野

但係可能我先最不知所謂

第二百零八日

近來有嘗試過穩個朋友傾解

試過好多次都好似無乜反應

咁我咪放棄囉

但係我就係到諗

究竟發生咩事呀

原本都有傾有講

而家就無晒聯絡

１）佢好忙

２）睇左我個部落　發現其實我係到玩緊　但係如果佢在意既話   唔通佢唔係玩緊　(我覺得佢無可能囉)

３）純粹巧合

點都好啦

哈哈哈

我都唔會再理

第二百零七日

又就係時候啦

雖然起碼二十日先考

今次不容有失

第二百零六日

今日好眼訓

都要訓多o的啦

哈哈

第二百零五日

如果有o的野係可以天跌落來

我都好想知點樣執

第二百零四日

好彩之前有經驗

如果唔係近來諗o的野會鑄成大錯

雖然無可能做到以前咁

但起碼可以維持現狀

第二百零三日

尋日就記起一生人最開心既日子

今日就諗下點先可以令自己開心

如果有機會離開卡加利

去另外一個地方做野

可能我會開心o的呱

比自己一個機會再來過都幾好呀

做唔做得到就睇個天同埋我既努力啦

第二百零二日

今日都唔知做乜咁無心機

但係講真我都幾累下

今日得閒個時係到諗左一o的事實

其實係溫哥華個兩星期可能真係我人生最開心既日子

唔係因為識到某個人

係因為我識既朋友之前唔識我

無果份 Status Quo

同係卡加利好唔一樣

每個人都已經識我

會有之前果份 Status Quo

就係因為我之前太無所謂啦

自從佢返來之後

我先發覺原來其他人咁樣睇我

唔想你返來係希望你可以係多倫多有自己既天地

但係你永遠都唔會明

因為可能我講既野唔係你想聽到個樣

其實我真係好蠢好蠢

朋友既生活同生命我唔應該過問

應該話唔到我過問

你地既事唔關我事

好似果套戲名

"關人７事"

雖然我好唔鐘意自己咁無情

但係無發啦