第九百二十四日

近期真係好奇怪
除左意見唔一志之外
我都無耐性去同其他人講
可能自己太自視過高啦
我既意見未必全部正確
所以點解要同人講呢 ? ? ?

漸漸開始覺得我個朋友講得好好
我對任何人同事都了解o左
但係同時又無情o左
我開始唔覺得其他人要知道我既諗法
就算人地既諗法或意見係有錯漏
我無義務提醒佢地
因為關我咩事 ? ? ?

近期又有新感受
個朋友之前都提過我
朋友越係成雙成對個時
我就會越來越無晒o的朋友
因為道理好簡單 朋友係一個好容易代替既物品
之前就隨傳隨到 邊個有事要幫
我都無乜所謂
調翻轉個時跟本無可能做到
可能變得斤斤計較啦
又或者我已經好厭飾演好人個各色
一個容易被人利用既各色

第九百零三日

係間細行做會唔會真係大材小用 ? ? ?
好似同個朋友傾完之後又有個種感覺
就算我係加拿大做野
有份好工
慢慢咁向上爬
最終會唔會係無用 ? ? ?
因為目標永遠係香港

近期真係有個好奇怪既問題
o的朋友個個都有問我
"咁耐無拍過拖 我究竟會唔會係機既 ? ?"
如果因為要封住大家既口 而去拍拖
我諗無可能囉
要咁做 一早就搞點o左啦
唔使等咁耐

始終唔想浪費自己同人地既時間
都係個句啦
要我鐘意一個人真係有難道

第八百九十日

又有成三個月無寫部落
三個月都發生好多野
自己開始明白點解之前唔開心
開始明白世界經濟未見光明
終於知道其實之前佢係有鐘意我
同埋發覺自己對投資係有小小認識

我唔開心係因為加拿大已經唔再有家既感覺
雖然有屋企人有朋友
但係始終無樣野
可能我真係要溫下個人呱
但係最大問題係要我鐘意一個人其實係好難
搞到人地鐘意我可能比較容易
我好相信自己太過輸服啦
好希望自己有一次既考驗
磨煉下自己
好與壞都係自己既成果
想溫自己既天地係有風險同埋代價既

雖然話就話要挑戰自己
都無可能任何計劃都無就實行
我好信世界上有兩種人
一種人係會實行計劃
一種就會諗個計劃但係就某種原因唔去實行
我自己就唔想做個有計劃唔實行既人
因為果種人最識怨天尤人
每一個決定點都要一個決定
做定唔做 ? ? ?

近來先知道之前個妹妹仔係有鐘意我既時候
原本都應該開心既
但係有好似無乜點咁
過o左咁耐
咩都淡晒啦
係我心目中
佢有無鐘意我已經唔重要
因為我無鐘意過佢
依個係無可改變既事實
可能個朋友講得o岩啦
我開始變得好無情

第七百九十二日

返工都一星期啦
唔可以話唔鐘意
相反就幾鐘意所做既野
但係真係唔知點解個心好亂

有工返個試又過關其實係好直得開心既事
但我唔覺自己係開心
究竟係咩事 ? ?
我以為之前既唔開心係因為無野做好頹
唔通有樣野我自己唔明

兩日前發現左樣野
我個心比之前再慢左
今次要睇心臟科專家
連個家庭醫生都表面有o的擔心
估唔到會去到咁既地步

第七百七十一日

聽日就有個真實既 offer
心情都好似無乜野
可能係因為對人工無乜要求呱

過多兩日就出成績
因為都無晒辦法
聽天由命啦
得就得
唔得就唔得
希望會係好消息

第七百七十日

尋日終於收到消息
我有份新工啦
應該係件好開心既事
但係好似比預期既開心小好多
究竟係咩事呢

或者係因為我未簽個 offer 呱
始終覺得有變數
定話心裡有另外一樣野

第七百二十三日

今日好奇怪囉
哈哈哈哈
唔使溫書好似好空咁

第七百二十二日

足足有個半月無寫部落啦
過左咁耐都無變
考完個試囉
真係好難
都唔知合唔合格
但係而家就要返回現實
始終都要穩食既
要份工
一份我揀既工
唔係佢揀我

第六百七十一日

賭錢最唔想發生係驚輸
你一有種驚輸既感覺
就會令你決定有偏差
而家我就有咁既問題啦

第六百七十日

諗完過失
應該要認真諗下將來

第六百六十九日

今日睇翻之前既過失
真係會問自己
如果決定無出錯 而家我會係點

第六百六十八日

無啦
盡晒力
但係真係追唔到
今年唯有第二啦

第六百六十七日

諗諗下
就來要考試啦
都未知點算

第六百六十六日

尋日打波總算幾好
o的朋友個個都打得好好
自己就嘛嘛啦
無做運動好耐
搞到無氣打

第六百六十四日

重有五日打
我未放棄

第六百六十三日

唔知點解近期玩撲克好唔順
心態既問題呱

第六百六十二日

今日同個朋友討論佢既理想情人
我先發覺佢好公主
諗著依個世界真係有白馬王子
每個人應該有小小童真呱
哈哈

第六百六十一日

今日原本都 "興興" 地
但係諗下諗下就知道 "興" 得好無謂
唔知係 EQ 高定話 IQ 高啦
總之我好快無o左件事

第六百六十日

今日溫書個時終於有種感覺
我漸漸明白本書
最重要係開始有果種記憶
總算係一個好大步

第六百五十九日

唔知今年去唔去旅行好呢 ? ? ?
有六千蚊既話就返香港囉
無既話去多倫多都唔錯
還點應試o左個唐妹咁耐都未去過
哈哈

第六百五十七日

今日係愚人節都唔記得
哈哈哈

第六百五十六日

今日做左樣好耐無做過既野
之前細個成日望著o的雲
形成個圖案咁
今日做再做好似無晒想象力
只係睇著舊雲飄下飄下

其實有失望架
因為好似我已經唔係我啦
自己每日做戲做到連自己係點都忘記埋
所以個朋友問我開唔開心
我都答唔到

第六百五十五日

近來好似平靜o左
起嗎無咁負面先啦

第六百五十四日

今日見翻個大學朋友
先覺得我頹o左幾多

第六百五十二日

真係一切好虛偽咁
對於o的人扮天真同傻都唔知點咁
難道會覺得其他人會信 ? ? ?

第六百四十九日

終於都決定o左唔會去拉斯維加斯
因為實在太時間緊迫啦
都好既
還點去又要洗錢
雖然都好想同班朋友旅行
但係唔緊要啦
一定有下次

第六百四十八日

" 朋友始終係朋友 "

依句說話真係睇心情先明
我心已經有答案

第六百四十七日

近來把聲變晒
搞到我都唔知點咁

第六百四十六日

商場係個人食人既地方
落難時唔會有人來可憐你
相反如果人地唔來打沉你已經偷笑

跌低o左要盡快起身
講就易做就難
我相信可能就係因為我唔識起身
所以我好驚跌
我亦相信因為我太好記憶
所以我擺脫唔到之前既失敗

第六百四十五日

" 這個世界上  總有一個人係到等你  無論係咩時候  咩地方  你都會知道有依個人存在 "
最強喜事

我就未穩到等我既人啦
但係我就知道我會為邊個人等
哈哈哈哈

第六百四十二日

都無乜野好講啦
等死呱
哈哈

第六百四十一日

有樣野我好唔鐘意囉
可能我唔係咁大方呱
但係如果自己要做樣野先至好順便既話
咁就好唔順便架啦

第六百四十日

今日又做球證啦
都算係最難既一日
兩隊都好博
但係兩隊都好 "茅"

第六百三十九日

今日有個朋友問我個問題
" 你開心嗎 ? ? ?"

我無直接諗過依個問題
只係識諗下做咩會開心
可能我確實唔開心呱
又可能唔係

我心諗咩同個口講咩根本上唔同
每日既生活好似飾演一場戲
要飾演一個有能力同埋有理想既人
不停咁努力去實現夢想

但係講真啦
所見到既野真係得個殼
我好清楚知道自己散晒
好清楚自己無晒之前既信心同方向

最艱苦既日子都可能未過
但係我一生唔會忘記依兩年時間
因為依段時間係我跌倒落谷底
未知幾時爬得到上地

第六百三十八日

要有耐性做人
但係我都覺自己會唔耐煩
會開始急

第六百三十六日

尋晚覺得有o的恐怖
時間真係過得快
無諗過會有五年咁長

第六百三十五日

逃避可能係我一直無承認既野
又可能我迷失o左
搞唔清自己

第六百三十四日

咩都係一線之差
勝與敗都講好多野既
要贏先要輸既道理都好真實

第六百三十三日

今日終於都見到個全場最勁既人
飾演主角一職啦

由此始終我都覺得佢係最勁既一個
無論攻守都無問題
佢個game無乜缺點
就連之前無乜火都改埋
哈哈哈哈

如果唔係驚自己玩唔到
我都好想去同佢打下
但係我要落場
邊個做球證呢 ? ? ?
依個又係一個問題
哈哈哈哈

第六百三十二日

" 友達以上 戀人未滿"
哈哈哈
依套劇集都算新奇

我都有兩個主角既特徵
有果種驕傲但係又有懶散
有同樣既壓力同執著但係又有睇得化既心態
有麻目既忍耐但係又有無情既對待

可能好似個句所講啦
兩頭唔到岸
每樣野都有緣份既
世事無絕對
咩事都可以發生

第六百三十一日

可能我始終停留係學生時期既感覺
所以無乜變過
尤其係對個樣野
其實好多野都變晒
之前識得而家變得陌生o添

第六百二十九日

心裡有個計時炸彈
無論係好定唔好已經唔係太重要
最重要係幾時會爆

第六百二十八日

近期個個都講緊香港派錢
唔知外國既香港人有無呢 ? ? ?
哈哈哈
有既就好啦
又可以返香港玩

其實今日諗左一陣野
可能之前太過諗頭大啦
現實追唔到夢想
雖然我既夢未實現

但係我諗我唔會有咩成就
最多應該會係忙忙碌碌過一生
做野溫錢供樓供車
最後就發覺咁就一世啦

唔可以個個都做 Bill Gates 架嗎 ? ? ?
但係就可以有好多個平民

第六百二十七日

都唔知點解今日有咁多人維護我做球證
哈哈哈哈哈
我根本咩事都無
由此始終我都認為球員同球證有唔妥係正常

第六百二十六日

三月啦
無經無險又過左兩個月
開始頹啦

第六百二十五日

過o左兩日生日
有個朋友問我
係唔係忘記左慶祝
哈哈哈哈

唔緊要啦
都唔係咩重要日子

第六百二十四日

24 歲既第一日
都係無咩分別
但係第一樣野想講既係
" 朋友門 你地諗得太多啦 "

第六百二十二日

重有十幾分鐘就 24 歲
無乜點
始終都係一日要過

今日好奇怪
我阿哥比o左錢做生日禮物
其實我真係唔想要
雖然話我無野做無收入
但係唔代表我要屋企人比錢我

太廢啦
淪落到其他人比錢你
我又唔係真係無錢
如果我真係無錢先話

第六百二十一日

今日終於聯絡o左人
睇下大家星期六得唔得閒食飯

其實我原本無乜心情去食
但係見過朋友咁幫手
又記得係我正日生日
我又唔係好忍心話唔搞

每年都有生日架啦
唔知點解今年開始無在意到邊個知係我生日
開始覺得都唔係咩大不了
每個人都有自己生活
遲早我諗會開始有疏遠既跡象

第六百二十日

講下講下
就來我生日啦
又老o左一年

又係個一時無成既一年
每年都好似會有野發生咁
唔知今年自己有無咁既心情

第六百一十九日

今日又去做球證
真係有時好難決定
但係幾難都要做

今日就做得 ok 啦

第六百一十八日

諗翻轉頭
我好似忘記o左穩工
有兩樣野先見得成
一係運氣
另外係自己表現

如果兩樣野都無
咁咪大檸樂

第六百一十六日

今日我個阿哥又問我溫工點
雖然佢都明工都好難溫
我都會有壓力

個 CFA 又要奇怪
無經驗又無學業都好難入到

第六百一十五日

每個人應該珍惜人生帶來既路
我就係到諗
係唔係應該珍惜而家既時間呢 ? ? ?
可能將來想休息都無時間
無咁自由自在
想做咩就做咩

但係其實我應該比好多人明白珍惜時間既問題
因為我根本唔知重有幾多

第六百一十四日

如果明知自己時日無多
你究竟會點做呢 ? ? ?

我個答案同之前一模一樣
講完再見之後
就走去無人識既地方過最後既日子
可能好多人會話咁樣好不負責任
但係我根本唔想做人既負擔
就算係屋企人都係咁話

第六百一十三日

幾個月無見
佢都無乜點變過
同一樣咁傻下傻下
雖然我知道其實佢都幾醒既
但係睇得出佢依然咁開心

第六百一十二日

今日又搖下搖下
好似谷底都未見咁

第六百一十一日

人生好似一個搖搖板
係最低既時候會帶來最高既反彈
相反最高個時會跌得最低
但係低始終有底線
究竟我既底線係邊 ? ? ?

第六百一十日

聽日對好多人來講係好重要
經過廿三年既時間
聽日都係無重要性
我諗過五年都係無重要性

好多人都覺得我好怪
點解可以比自己寂寞左二十三年
講真架
有時係條街見到一對情人都會諗下
點解會係咁

但係好快就打消個念頭
有好多野唔係個個都明
應該話無人真係明白
好明顯啦
其他人唔係我
根本就唔需要理

但係踏入第二十四年
我都唔覺會有咩改變
只希望我識既朋友係感情方面過得無風無險

第六百零九日

唔知要等幾耐呢 ? ? ?

第六百零八日

有過一日啦
過左一個月無做野

第六百零七日

就係因為我遲職
而家係無業遊民
屋企人對我所講既野會特別入骨
每次聽到 “要返工” 或者 “要溫銀”
都好入肉

佢地可能唔知道
但係我聽到晒佢地講咩
口就話無問題
但係心諗係另一回事

第六百零六日

唔通玩撲克係生活既寫照
其實真係有好多共通點
要有耐性
識得去又要識得收
有好好既日子同埋有好壞既日子

而家好似將我對生活既疑問擺埋落副牌到
搞到無日係好日

第六百零五日

時辰未到呱
都唔知應該講咩啦

第六百零四日

其實我努力係為咩呢 ? ? ?
每日都唔知會發生咩事
有好多野都唔到我地去控制
唯一可以控制係自己
但係連依樣野都好似好陌生

第六百零三日

今日好奇怪發左個夢
係第五次啦
我可以好肯定講我預計到場波邊個贏
入幾多分都知

真係好驚
究竟係咩一回事呢 ? ? ?

第六百零二日

過左兩日
都好似乜野都一樣
睇下會點啦

第六百日

今日係中國人新年
可以話係第二次既開始啦
唔知點解今日有種奇怪既感覺
連玩撲克個時都唔係好順

第五百九十九日

個 CFA 課程已經做完兩本書
但係都係覺得好慢
可能係無野做呱
可以話個 CFA 會係個生死存亡

第五百九十八日

今日睇套劇集個時
覺得自己知道錯個時係好需要幫助
但係人始終係人
講句對唔著或者話會改就ok架啦

幾時先會承擔自己既錯失都要睇個人

第五百九十七日

頂 ! ! !
真係好唔鐘意冬天雪地
今日差唔多又抄車
行得個四十
應該行五十既
但係都差o的出事

我同自己講
我遲下有得選擇都唔會諗加拿大作為定居地方
一定要係四季都暖

第五百九十六日

就來新年啦
好多時都會睇下成年運程
但係多數都呃人既

上年又話我好有愛情同金錢運
如果真係有就唔會見到我今日睇下年運程啦
哈哈哈

以前都有o的信下
而家就覺得如果係咁準佢都唔會係網上比你睇啦

第五百九十五日

差唔多有成四日無乜同o的朋友聯絡
哈哈哈
真係死左都唔知咩事

第五百九十三日

還有一生的時間
可能依句說話我好應該明白

我還後生
重有時間可以成功
重有時間可以掙好多錢
養得起我屋企人過世

可能好多人都唔知我對自己咁大要求為咩
但係我好清楚

第五百九十二日

開始睇套新劇集
希望係裡面認識下自己

第五百九十一日

今日開始真係質疑自己
究竟搞乜我係無晒信心定係其他野
我對個前景一片空白定係覺得咩都無晒
讀完個文章好似有o的野應該要明白
但係我明白唔代表我接受

可能就係唔接受先搞成今日咁
唔通真係要認命
所有野都會過去
衰野好野都會過去
幾時就係個問題 ? ?

我究竟幾時先衰完呢 ? ? ?
發覺我近期好多時都會問無答案既問題
我諗無希望既人先會問所謂既問題

做人唔應該怨天尤人
既應該好積極咁人定勝天
可能我真係認輸啦
我自己都唔清楚

第五百九十日

無乜神氣咁
可能謝左啦
個將來好唔知點咁

第五百八十九日

今日算係特別
知道原來我屋企人根本無希望我辭職
我諗著佢地會明白我既決定
都係個句啦
我唔希望自己會一成不變

所以話就算你有幾多朋友同親人
都係自己靠自己
無論發生咩事都好啦
我唔覺得個決定有問題
騎牛溫馬有時無可能做得到

我好明白自己種既因
就要承受得出來既果
我而家係點都係因為之前既我做出來
以將來既我係而家既我做出來
睇下我o岩定錯啦

第五百八十八日

今日又有人同我講有無新工機會
可能係一種關心
但係對我來講係一種壓力
我諗我自己比其他人更加心急
唔通佢地以為我真係好開心係屋企無無聊聊

第五百八十六日

每日都係咁過
已經開始覺得好頹
可能近來先發覺到
最後無人會幫你
好多野都要自己來

個朋友比個好人證書我好貼切
無可能保證我會繼續做好人

第五百八十五日

今日終於有個答案啦
係預左架啦
因為無個 program 既經驗
所以另外一個人好o的

唔可以話唔開心
失望係最貼切
失望點解我重有咁既問題
失望點解條路要咁難行
所謂既先苦後甜都唔知會唔會係我身上發生

但係無論點都好
我無興趣認命
就算我到谷底
我唔信條命係咁

第五百八十四日

又一日啦
同埋無消息
只可以話機會開始渺茫
未知個答案始終有希望既

近來同個朋友講下如果 2012 年真係世界末日你會做咩
我諗如果去到咁既地步
我會去試下以前想做但係無做到既事

可能好多人都有依個問題
如果真係末日以你身邊個個唔係一生最愛
咁你既決策會係 ? ? ?

第五百八十三日

今日開始再溫書
可能我鐘意呱
唔知點解o的 concept 好容易上手
我靜係希望讀完有前途同埋方向

唔知自己係咪咁既人
但係咩都係錢行先算係錯 ? ? ?

第五百八十二日

個份不安有翻來啦
唔知點解
最緊要既係開始有o的擔心

第五百八十一日

有成三日無寫野啦
除左係到等消息之外
都無做過野

如果得左會好開心
相反唔得會好怪自己做得唔夠好

第五百七十八日

真係臨尾出錯
好失望
真係對自己好失望

第五百七十六日

今日先知溫書原來咁快搞點
用左唔使三個鐘就做完三份一本書
要繼續努力 ! ! !

第五百七十五日

好啦
聽日就唔使返工
要溫書同埋做公課

第五百七十四日

點解下星期要咁凍呀
真係又有o的麻煩
但係唔會對我有咩影響既
始終會早到

第五百七十三日

過左啦
希望有個好開始
今日真係好開心
但係要平和小小
唔想諗咁多
發生左先慶祝未遲

第五百七十二日

重有一日過
終於都有個解決啦

第五百七十一日

雖然今日過得好唔高興
我開始諗通左好多野
已經唔係話辭職既問題
係我對自己既期望既問題
我永遠都唔會被自己一成不變

而家係壞既環境
唔代表我應該認命
我條命o岩o岩先開始精彩
每個人都會有唔好境既時候
所以而家好
唔代表永遠都咁好

第五百七十日

今日係最後四日既倒數
好似好自由咁

第五百六十九日

今日又有個種感覺
係有o的野架
連賭錢都無咁順
有o的野好似阻著我
究竟係咩來 ? ? ?

第五百六十八日

因為近來係節日都無時間去寫部落
無乜野諗呀
只係等走個日就應該會好o的

好似決定之後有野變左
未清楚係咩來
但係感覺上有野